ISLAMIC PUBLISHING

Бул китепте деизм, анын пайда болушунун себептери, негизги идеалары изилденип, Ислам дининин баалуулуктарынын негизинде деизмдин дооматтарына берилген жооптор камтылган.

Бул китепте Азирети Мухаммед пайгамбар жана ыйык китеп Кураны Карим тууралуу маалымат берилген. Китеп жалпы окурмандарга арналат.

Бул эмгекте коомдун жүрөгүн өйүгөн жара катары ысырап тууралуу маалымат берилип, аны бир гана материалдык мал-байлык менен чектебестен, ыйман, ишеним жана ибадат менен кошо убакытта, илимде, адеп-ахлактык баалуулуктарда, ой жүгүртүүдө, күнүмдүк керектөөлөр жана сарптоодо, ден соолук жана жеп-ичүүдөгү ысыраптан сөз кылынган.

Бул эмгекте туура ой-жүгүртүүгө ачкыч боло алган өзгөчөлүктөр жана ыкмалар берилген. Мында, Алланын улуулугу, чеберчилиги, кудурети, ааламдагы ирээттүүлүк тууралуу жана Ыйык Курандын бүтүндөй ааламдардын жаратуучусу болгон Алла Тааланын сөзү экендигин тастыктаган мужизалардан мисалдар келтирилди. Адамзаттын жаралуусунун себепчиси, инсаният бакчасынын жалгыз, өз¬гөчө гүлү жана аалам сыймыктанган пайгамбарыбызга (саллаллаху алейхи ва саллам) болгон сүйүү жана аны ээрчүүнүн өзүбүздүн бактыбыз үчүн маанилүү экендиги айтылган.

Бул китерте белгилүү мусулман ойчул, олуя Мавляна Жалалуддин Руминин “Месневий” аттуу баалуу китебиндеги асыл ойлор чечмеленип, түшүндүрүлгөн. Китеп жалпы окурмандарга сунушталат.

Бул чыгармада Исламдагы нукура адеп-ахлак, инсандык алгы касиеттер жана анык изгилик терең баяндалган.

Бул китепте бактылуу үй-бүлө куруу үчүн керектүү болгон маалыматтар камтылган. Үй-бүлөнүн негизги максаттарын орундатуу үчүн керектүү тартип жана принциптер тууралуу маалымат берилип, бул принциптерге түшүндүрмө берүү үчүн түрдүү мисалдар келтирилген. Өзгөчө, алгач Мухаммед пайгамбардын турмушунан алынган үлгүлөр менен бирге ислам аалымдары жана олуялардын жашоосунан да мисалдар келтирилген.

Акыл-эстин инсандагы жана ааламдагы акыйкаттарды күзгү сымал чагылдырып берген Кураны Карим жөнүндө тафаккур кылуусу – жер астынан казылып алынган чийки заттарга окшош. Мына ушул чийки заттарды иштетип, колдонууга ыңгайлаштырган нерсе жүрөк болуп эсептелет.
Жүрөк – тахассустун, башкача айтканда сезимдердин борбору. Кадакчынын сынган кумуранын бөлүкчөлөрүн топтоп аны кураштырып кайра бүтүн абалга салган сыяктуу эле жүрөк да акыл-эс тарабынан кабыл алынган маалыматтарды топтоп, анализдейт жана акыйкатты толук түрдө түшүнүү мүмкүнчүлүгүн жаратат.
Демек, акыйкатка жана жакшылыкка жетүүнүн эң туура жолу – акыл-эсти вахий менен тарбиялоо. Башка органдар сыяктуу эле акыл эстин да кудурети чектүү болгондуктан акыл-эстин күчү жетпеген маселелерде ыйман нуру менен толгон жүрөктү ишке салуу керек.

Бул эмгекте Мухаммед пайгамбардын өмүр таржымалы тууралуу маалымат берилет. Бул эмгек окутуучуларга, илимий кызматкерлерге, студенттерге жана жалпы окурмандарга сунушталат.

Бул китепчеде таалим-тарбия берүүдө өзгөчө көңүл буруу керек болгон айрым жагдайлар тууралуу маалымат берилген.

Бул китепте Мухаммед пайгамбардын (саллаллаху алейхи ва саллам) хадистеринин негизинде анын таалим-тарбия берүү ыкма-усулдары изилдеген.

Бул китепте Мухаммед пайгамбардын (саллаллаху алейхи ва саллам) таалим-тарбия берүүдөгү ыкмалары изилденип, бул жараянды ишке ашырууда тилди туура колдонуунун маанисине басым жасалган.