ISLAMIC PUBLISHING

Қўлингиздаги ушбу асар коинот китобининг сирларини ҳикмат назари ила тамошо қила олмоқ ва у илоҳий саҳналарда намоён бўлган қудрат жилваларини қалб кўзи билан ўқий олмоқ учун бир раҳнамо моҳиятидадир. Зеро, инсон зоти Қуръони Карим оятлари билан коинотнинг тилсиз ҳайқираётган оятларини бирлаштира олган нисбатда ҳақиқатга восил бўлади.
Ушбу сатрларда коинотнинг кенглигидан инсоннинг ички оламига, Қуръоннинг мўъжизавий баёнларидан Ҳақ дўстларининг, у кўнгил султонларининг тафаккур уфқига қадар чўзилган бир йўл харитасини топасиз. Локин унутмаслик керакки, тафаккур қуруқ ақл юритиш эмас, балки руҳоний бир одоб ишидир. Худди зикрсиз фикр қанотсиз қушга ўхшагани каби тафаккур ҳам фақат зикруллоҳ ила омухта бўлгандагина қалбни тирилтирувчи бир файз манбаига айланади.
Ниёзимиз шулки, ушбу асар фақат зеҳнда қоладиган маълумотлар тўплами эмас, балки ҳолга, мақомга ва солиҳ амалга айланадиган, ҳаётда акс этадиган жонли бир нурга ва ҳидоят чироғига васила бўлсин.

Қўлингиздаги ушбу "Имондан эҳсонга: Тасаввуф" деб номланган Усмон Нурий Тўпбош ҳазратларининг асари қалб оламининг чуқур сирларига очилган сокин бир эшикдир. Мазкур китоб инсоннинг энг улуғ имтиҳони бўлмиш нафс ва унинг битмас-туганмас ҳийлаларини танитади. Шунингдек, нафснинг моҳияти, унинг даражалари ҳамда тарбия қилинмаса, инсон ва Ҳақ орасида қандай пардага айланишини ҳикмат назари билан баён қилади.
Китобда қалбнинг Илоҳий назар тушадиган шарафли бир макон бўлиши учун қандай қилиб лойиқ бўлиши, қалбни тасфия (поклаш) ва тазкия (тозалаш) қилиш орқали бутун борлиққа, содир бўлаётган ҳодисаларга ва махлуқотга қандай қилиб раҳмат ҳамда ибрат кўзи билан боқиш мумкинлиги гўзал услубда тушунтирилган. Тасаввуфий тарбиянинг асослари, ирфон йўлининг одоблари ва ахлоқи Муҳаммадийнинг қалбга қандай илдиз отиши ўргатилади.
Хулоса қилиб айтганда, ушбу асар тасаввуфни шунчаки ўқиладиган илм эмас, балки яшаладиган ҳол сифатида тақдим этади. Нафсини ислоҳ қилишга, қалбини тирилтиришга ният қилганлар учун Аллоҳ муҳаббатига, маърифатуллоҳга ва Ҳақ дўстларининг изидан юришга васила бўладиган бир раҳбардир.
Аллоҳ таоло барчамизга ушбу сатрлардан улуш олишни ва қалбларимизни Ўз розилигига мувофиқ равишда ислоҳ қилишни насиб айласин.

Пайғамбаримиз соллаллоҳу алайҳи васалламдан кейин эргашиш лозим бўлган кишилар бу олимлар, Аллоҳ таолонинг дўстлари ва ориф зотлардир, чунки улар ўз илми, ибратли ҳаёти  ва маърифати билан "пайғамбар ворислари" мақомига эгадирлар.
Бу китобда тасаввуфнинг энг кўзга кўринган намояндаларидан бири Имом Раббоний раҳматуллоҳи алайҳ ҳақида сўз боради.
Умид қиламизки, сиз бу олимнинг ҳаёти ва ҳикматлари билан яқиндан танишасиз.

Қуръони Карим бутун инсоният учун умумбашарий қўлланма бўлиб, ҳар бир инсонни фоний ва боқий дунёда фаровонликка етаклайди. Охирги илоҳий китобнинг бир қисми пайғамбар ва набийлар ҳақидаги ривоятлар бўлиб, улар Қуръони Каримнинг учдан бир қисмини ташкил қилади.
Бу китобда Қуръони Каримда исмлари зикр этилган барча пайғамбарларнинг таржимаи ҳоллари келтирилган, пайғамбарлик мўъжизалари баён этилган, уларнинг муборак ҳаёти ва вазифаларидан келиб чиқадиган ҳикматлар ҳақида сўз юритилган.

Исроф фақатгина мол-мулкни меъёрсиз сарфлаб зое қилиш эмас. У ҳаётнинг барча жабҳалари билан боғ- лиқдир.
Шуни яхши билиб олишимиз керакки, еб-ичишда ва кийинишда ҳаддан ошиш, соғлик неъматидан ноўрин фойдаланиб зое қилиш, тафаккурни руҳий камолот сари эмас, нафсоний хоҳиш- истакларга йўналтириш, фойдасиз илм билан машғул бўлиш ва илмни нафсоний манфаатларга қурбон қилиш кабилар ҳам исрофдир. Айниқса тарбияда фарзандларни фақат дунёвий келажак мақсадлари йўлида маънавий тарбиядан маҳрум ҳолда етиштириш исрофларнинг энг каттаси бўлмиш “инсон исрофи”дир. 
Шунингдек, умр неъматини нотўғри йўлларда хазон қилиш, ибодатларни ихлос ва хушуъсиз адо этиб, уларнинг гўё ичини бўм-бўш қилиб (руҳиятсиз) қўйиш ҳам даҳшатли исрофдир. 
Мана шу нуқтаи назардан аввалроқ “Altınoluk” журналимизда берилган “Шундай раҳматки” деб номланган асаримизда ёритилган “Исроф” мавзуси ҳозирги кун масалалари доирасида долзарб деб топилгани ҳамда таҳририятимизга келган талаб ва таклифларга биноан мустақил китобча кўринишида сиз қадрли ўқувчиларимизга тақдим этмоқдамиз. 

Ушбуда ҳозирги кунда авж олиб бораётган атеизм, деизм каби иллатларнинг келиб чиқиши, моҳияти ва уларнинг оқибатлари ёритилган. Ҳар хил назариялар билан тўлган, ёт ғоялар тарғиб қилинаётган, шууримиз учун хавфли ва синовли давр ҳозир. Бу китоб эса айни шу ётликлардан ҳимояланишимиз, муқаддас Ислом динимизни янада чуқурроқ англашимиз ва имонимиз мустаҳкамлигини сақлашимизда ёрдам беради.
Китобда оммавий маданият ва Ғарбнинг айрим чиркин ғоялари, тарғиботлари бир қадар очиб берилган ва тушунтирилган. Биз қачон атрофимиздаги бадбинликларни англаб етсак, ўшанда уларга қарши тура оламиз, айтар сўзимиз бўлади. Атрофимиздагиларни ҳам жирканч ғоя ва тарғиблардан сақлай оламиз. Шу маънода қўлингиздаги китоб ҳам сизга манфаат беради.

Men bu dunyoga nega keldim? Allohga bandalikning asl mohiyati nima? Ilm najot manbai bo‘lmog‘i uchun nimalarga diqqat etmoq kerak? Olamlarga rahmat qilib yuborilgan Nabiyimizning axloqlari qanday edi? Ul zot biz ummatlariga nimalarni o‘rgatdilar va qoldirdilar? Hozirgi fitnalardan qanday saqlanamiz? Tasavvuf haqidagi to‘g‘ri tasavvur qanday bo‘lmog‘i lozim? Allohning do‘stlari kimlar? Ularni tanib, fayzlaridan bahramand bo‘lish uchun  nima qilmoq kerak? 
Zamonamizning yetuk olim, orif va mutafakkirlaridan Usmon Nuri To‘pbosh ushbu savollarga Mavlono diyoridan turib muborak manbalar, allomalrning fikrlari va  ko‘ngillar sultoni Jaloliddin Rumiy asarlari asosida javob beradilar. 
Ko‘ngillarga huzur baxsh etuvchi ma’rifiy suhbatga marhamat, aziz o‘quvchi!

Маънавиятга ташна, қобилиятли кишилар жами ҳодисотни ҳам ақллари, ҳам кўнгил сезгилари ила талқин қилишади. Шунинг учун бало ва мусибатлар олдида уларнинг таваккул ва қувватлари янада зиёда бўлади. Чунки тасаввуф, аввало, илоҳий тақдир тасарруфидаги ҳикмат, сирларни идрок этиш, улар орқали тасалли, хотиржамлик ва ҳаловат топишни таълим беради. Зеро, Холиқ махлуқларини шунчаки яратмаган ва ўз ҳолига ташлаб ҳам қўймайди.
Хусусан, инсонни маълум синовлардан ўтказиб, камолга, юксак мақомларга кўтаради. Қўлингиздаги асар ушбу йўлда даража ҳосил қилишда муҳим пиллапоя вазифасини ўтайди, иншааллоҳ.

Муаллифнинг китобларидан жамланган ушбу гўзал асар, асосан, таълим фидойилари учун қўлланма бўлиб хизмат қилади. Ҳар бир масала хусусида саҳифаларни тўлдириш мумкин бўлсада, барчага қулай бўлиши учун ихчам ҳолда баён этилган бу ибораларни мусулмон сифатида кундалик ҳаётимизга татбиқ этишимиз мумкин.

“Гўзал хулқ ҳикоялари” китобини ўқиш - бу орзу қилиш калитини қўлга киритиш билан баробар. Орзу қилиш эса тафаккур шаҳрининг эшигини очмоқдир. Бир-биридан қизиқарли воқеалар баён этилган бу ҳикоялардаги жирафа, қуён, шер ва ёлғиз жайлоннинг саргузаштини ўқиган болалар ака-ука ва опа-сингилларини меҳр билан қучоқлашни ўрганадилар. Бу болангизга қимматли вақтларини қизиқарли ва фойдали ҳикоялар билан ўтказиш имконини беради.

Ярми ваҳший, кўп қисми одамийликдан бехабар бўлган бир гуруҳ жоҳиллардан иборат бу инсонлар Расулуллоҳнинг зоҳирий тарбияси ва ботиний таъсири натижасида саҳоба деб аталган зотларга айландилар ва хаёлга ҳам келмайдиган мартабаларга кўтарилдилар.
Пайғамбаримиз алайҳиссаломнинг бутун умри турли хатолар, ёмонликлар ва зулмга қарши кураш билан ўтди. Хоҳ кофир, хоҳ мўмин-мусулмон бўлсин – ҳар бир инсоннинг ҳаққига риоя қилдилар. Натижада қон кўли ҳолига тушган саҳролар ҳузурбахш чаманзорларга айланди. Инсоният тарихида мисли кўрилмаган маданиятнинг тамал тоши қўйилди. Замонавий жаҳолат авж олган бугунги кунимизда адолат, марҳамат, муҳаббат ва иймон билан тўлақонли инсонликка қайтиш учун раҳмат Пайғамбарининг гўзал ахлоқидан насибадор бўлиб, Ислом ила қайта тирилишимиз зарур.

Турли мақолаларимиздан тўплаб ва баъзи янги мисолларнинг ҳам иловаси билан ёзилган ушбу китобда, у муборак аср моҳиятини яна ҳам яхши идрок қилинишини мақсад қилдик. Ушбу мақсад билан, иймон, ибодат, муомала ва ахлоқда қанчалар мухлислик уйғотувчи ривожланишнинг ҳукм сурганига доир, у асрнинг ҳисобсиз ибрат ва фазилат тасвирларидан баъзи мисоллар билан мавзумизни яна ҳам аниқ бир ҳолатга келтиришни орзу қилдик. Ушбу китоб Саодат Асри Жамиятининг исломий яшаш тарзи, иймон мустаҳкамлиги, ибодатга бўлган эътибори, бизларга ибрат бўлган гўзал аҳлоқи ҳақида маълумот беради. Инсониятни зулматдан нурга чиқарган Исломнинг тенгсиз гўзалликларини, айниқса назокат ва латофатини фақатгина Саодат Асрининг кўнгил иқлимига кира олишлик билан яқиндан ўргана олишлик мумкин бўлади. Китоб ислом тарихига қизуқувчи ва кенг китобхонлар оммасига мўлжаланган.