ISLAMIC PUBLISHING

Ушбу асарда оламларга раҳмат ўлароқ юборилган мавжудотлар занжирининг сабаб ва чўққиси бўлган ҳазрати Пайғамбаримиз Муҳаммад Мустафо (саллоллоҳу алайҳи вассалам)нинг ҳаётлари ва у зот шахсиятларининг баъзи қирралари ёритилади. Шу нарса бир ҳақиқатки, илк яратилган нарса У зот (саллоллоҳу алайҳи вассалам)нинг нуридир. Бутун мавжудотлар шу нурнинг ҳурмати учун пайдо қилингандир. Шунинг учун ҳам унинг иловаси ҳисобланадилар. Ожизона ёзилган бу асаримизда, Ҳазрати Пайғамбар саллаллоҳу алайҳи васалламнинг ўрнак ва ноёб хаётини сатрларга сиғдиришга ҳаракат қилишимизнинг асосий сабаби, инсониятнинг аксарият ҳолатда моддага ва куч-қувватга ром бўлиб, бетоб ва бечора қолган кўнгилларга Унинг руҳониятидан бир товланиш тақдим этмоқдир.

Ҳақиқатан ҳам, сўнгги нафас топ-тоза, силлиқ ва тиниқ ойнадек. Ҳар бир инсон бу ойнада умрини яхши-ёмони билан бирга, аниқ-тиниқ ҳолатда кузатишга муваффақ бўлади. Бу лаҳзаларда кўз ва қулоқларга ғафлат пардаси тушмайди. Билъакс, барча пардалар кўтарилиб, кишини ҳар хил иқрорликка — ақл ва виждоний пушаймонлик иқлимига туширади. Шундай экан, сўнгги нафасимиз ҳаётимизни пушаймонлик билан кузатадиган ойнамиз бўлмасин! Бу ойна ҳали Қуръони карим ва суннати сонийя ҳолида яшаётганимиздаёқ ҳаётимизга дохил бўлсин. Зеро, ҳақиқий бахтиёрлар ўлим билан танишмасдан аввал уни таниганлардир.
Умумий қилиб айтиш мумкинки, тасаввуфсиз мусулмонлик бўлиши мумкин, фақат бу «эҳсон» меъёридан маҳрум мусулмонники бўлади. Яъни маънавий таълим-тарбия ҳисобланган тасаввуфдан айри исломий ҳаёт кишини «Аллоҳни кўриб тургандек бандалик мароми»га етказолмайди.
«Сўнгги нафас» номи билан қаламга олганимиз бу асарда сизга тақдим қилмоқчи бўлганларимиз қисқача булардан иборат.

Замонамизнинг иқтисодий ва тижорий ҳаётида энг кўп учрайдиган баъзи хатолардан қайтариш ва тўғриларини тавсия қилиш ниятида ушбу китобчани сиз қадрли китобхонларга тақдим этмоқдамиз.

Бу китобда Ислом фалсафаси билан инсонларнинг бирламчи ва бир-бирига зит фикрий қарашлари таҳлил ва таққос этилиб, натижалари очиқланган. Инсоният тарихи бўйича ўртага чиқган ва бир томонлама, яъни моддият узра қурилган фикрий тизимлар мувоффақиятга эриша олмагандир. Яъни, ҳаётнинг моддий ва маънавий жабҳаларида қаршимизга чиқган муаммоларнинг ечимида ожиз қолгандир. Бугунга қадар инсон зотининг ақлий малакаси моддият узра ривожлангандир. Ҳолбуки, фақатгина моддият узра келишган ақл, инсонларни очкўзлик ва ваҳшийликга етаклагани ҳаммага маълумдир. Агар-да ақл фақатгина инсон зотининг ихтиёрига ташлаб қўйилсайди, ер юзида фитна ва фасод ўртага чиқар, буюк фалокатларга йўл очарди. Мана шунинг учун ки, Аллоҳ Таоло Ҳазратлари бандаларига муҳталиф замонларда пайғамбарлар ва китоблар юбориб, уларни тўғри йўлга чақиргандир. Энг охирги пайғамбар Муҳаммад (С.А.В) Ҳазратлари ўзларига берилган муқаддас Қуръони Карим билан инсон ақлини ва тафаккурини мутаносиб бир ўлчовда тамомлаш учун курашганлар. Ислом инсонлар орасидаги муомалани, инсон ва коинот, инсон ва Яратгувчи орасидаги алоқаларни бир бирлари билан чамбарчас боғлаган ҳолда инсон тафаккурини мутаносиб бир шакилда ривожлантириб, инсон зотини улвиятга эриштиргандир. Ислом дунё қарашига зит бўлган барча фикирлар ва фикрий оқимлар инсониятни таназуллга етаклагандир ва етакламоқдадир. Шунинг учун ҳам инсонлар, фақат ва фақат Исломнинг мутаносиб ижтимоий ва маънавий фикрий тизими асосида бахтли бўла оладилар.

Бу асарда муҳтарам ўқувчиларимиз фарз ибодатлардан бири бўлган ҳаж ва умра хақида муфассал маълумотга эга бўладилар. Чунончи, ҳажнинг Аллоҳ тарафидан мусулмонларга фарз қилинишининг тарихи, ҳажнинг моддий ва маънавий шартлари, ҳажнинг фарзлари ва адо этиш усуллари, ҳажнинг мусулмонлар учун фойдалари, ҳаж хақида нозил бўлган оятлар ва Пайғамбаримиз Муҳаммад (С.А.В) тарафидан баён қилинган ҳадислар ушбу китобда жой олгандир. Шу сабабла, бу асар мусулмонлар учун қўлланма китоби моҳиятидадир.

Ўлим инсонни ҳар он тузоқда кутиб турибди. Мавлоно Жалолиддин Румий «Маснавий»да шундай дейдилар: «Эй инсон! Ойнадаги охирги нақшга қара. Бир гўзалнинг кексаликдаги ҳолатини ва бир бинонинг вақти келиб хароба бўлишини ўйла ва кўзгудаги ёлғонга алданма».

Нима қилсак, уйларимиз ҳузур ва саодат масканига айланади? Қандай яшасак, оилавий ҳаёт сафаримизнинг якуни Аллоҳнинг раҳмати ила ниҳояланади?
Муаллифнинг муҳаббат томиб турувчи каломлари билан ёзилган «Ҳузурли оила ...» асарини такрор-такрор ўқишга эҳтиёжимиз бор. Марҳамат каттадан кичикка, севги эса қалбдан қалба ёйилади.

Муаллиф бу китобда хизмат аҳлига зарур бўлган сифатлар ва риоя қилишлари лозим бўлган одоб ўлчовларини қаламга олган. Асарда хизмат маънавий юксакликка олиб борувчи ўхшаши йўқ йўл дея таърифланган. Китоб ичига хизмат шуури, Пайғамбаримиз алайҳиссаломнинг, саҳобаларнинг ҳамда валий зотларнинг ҳаётларида хизматнинг аҳамиятини изоҳ этиш билан кириб борилган.

Бу китоб ўз ичида ҳузурли бир ҳаёт учун зарур бўлган муҳим Исломий ўлчовлардан баъзиларини қамраб олган. Барча мавзуларни Пайғамбар алайҳиссаломларнинг, саҳобаи киромларнинг, олим ва ориф зотларнинг ҳаётларидаги бирор воқеа атрофида баён этишга ҳаракат қилинган. Шу тарзда билинмаган ҳақиқатлар буюк шахсиятлар билан боғлиқ қиссалар ёрдамида анча осон идрок этилиши кўзда тутилган.

Пайғамбаримиз алайҳиссаломни қанчалик ўрганиб, уққанларимизни ҳаётимизга қанчалик олиб кира олсак, шунча даража қозонамиз. Ҳозирда эҳтиёжимиз Расулуллоҳ соллаллоҳу алайҳи васалламнинг руҳониятларидан кўнглимизга маънавий озуқа олишдир. Расулуллоҳ алайҳиссалом шундай бир раҳматки, У зот бўлмасалар, бутун оламлар чўллар ичига иссиз ғойиб бўларди.
Пайғамбаримиз алайҳиссаломнинг шахсиятларини Усмон Нури Тўпбош ҳазратларининг ёзганлари асосида яна бир бор ўрганиб чиқинг.