ISLAMIC PUBLISHING

Nnabbi waffe omwagalwa Muhammadi yannyonnyola Kulaane, era n’atubuulira ebintu bye tuteekwa okukola ne bye tutateekeddwa, ng’ayita mu bigambo bye (hadiisi), tusobole okubeera abasanyufu muno mu nsi ne ku Lunaku lwenkomerero. Hadiisi era ziyamba okuyiga eddiini yaffe mu ngeri ematiza. Ekitabo kino kkunnganyizo lya hadiisi amakumi ana (40) omuwandiisi ze yaleeta nga zeetooloolera ku nfumo ezigenderera okugunjula abaana, nga mulimu hadiisi ezikubiriza okukola ebikolwa ebirungi ate n’ezo ezigaana okukola ebintu ebibi mu mpisa n’eneeyisa.

Ekitabo kino kigenderera okusobozesa abakisoma okukwata ekkubo lya Nnabbi n’okuwangaalira ku bulunngamu bwe. Kiraga okusaasira Nnabbi kwe yalina eri abantu n’ebitonde ebirala, wadde nga Allah yamutuma gye bali mu biseera ebyali bisinga okubeera ebyakazigizigi, ebizibu era eby’omutawaana. Omuwandiisi alaga embeera za Nnabbi n’enneeyisa ebyaleeta emirembe n’obutebenkevu mu mawanga, ne bifuula abantu ab’emitima emikakanyavu abagonvu, abalongoofu era abawa eky’okulabirako eri abalala. Okumanya eby’okulabirako bya Nnabbi ebirungi kiyamba omusomi okumwagala nga lye kkubo eriyinza okumusobozesa okumugoberera olwo n’afuna okusiima wamu n’okwagalwa okuva eri Allah.

Ekitabo kigenderera okuziba omuwaatwa oguli mu bintu ebiwandiikibwa ku Nnabbi Muhammadi nga kijjayo oludda olulala mu bulamu bwe nga kwe kusaasira kwe okwo abawandiisi kwe batera okulagajjalira. Okusaasira kuno okw’enjawulo kwe kwetooloolera obulamu bwe bwonna. Ekitabo kiraga nti ekifaananyi kya Nnabbi kyetaagisa nnyo naddala mu biseera bino, ne kiyamba okujjumbiza okusaasira mu nkolagana zaffe ez’obuntu n’engeri gye tulina okweyisaamu n’ebintu ebitwetoolodde. Era kiraga nti, ettutumu lya Nnabbi Muhammadi liva mu kubeera nti ye yaleeta emisingi gy’empisa ezisinga obulungi mu buli ludda lw’oba otunuulidde.

Abantu abaagala okubeera abaddu ba Allah abeesimbu, balina okutegeera Obusiraamu obw’omunda n’okutuukiriza amateeka gaabwo, okudda ku nzikiriza n’obwesimbu n’okugissa mu nkola mu bikolwa eby’okungulu wamu ne munda. Olw’obwetaavu obwo, omuwandiisi alambulula oludda lw’Obusiraamu olukwata ku mwoyo. Mu kusooka alambulula omusingi gwe nzikiriza n’ebigendererwamu. Olwo n’alondoola ebikwata ku ludda lw’omwoyo mu kusinza mu Busiraamu ng’agoberera empagi z’obukkiriza. Awa ekitangaala ku bigendererwa by’okusinza n’okuyiga mu byafaayo bya bannabbi ne banywanyi baabwe, n’eby’okulabirako okuva mu bulamu bw’Abasuufi. Essira ly’ateeka ku kugaba n’okwaayo zaka n’amateeka agafuga eby’enfuna by’Obusiraamu, ligenderera okuyambako mu kulwanyisa okwagala okw’ebintu.

Ekitabo kirimu embeera n’ebitendo bya Nnabbi nga muto, mu biseera by’obuvubuka ne bwe yali ng’amaze okufuuka Nnabbi; okumuteekateeka n’okumutuma, wamu n’ebyamagero bye. Ebizibu ebyamutuusibwako awamu n’abagoberezi be; okusenguka kw’Abasiraamu okugenda mu Abyssinia, okusisinkana ab’ebika eby’enjawulo, ensisinkano ne Bannamadiina mu Aqaba, olukwe olwakolebwa okumutemula, n’okusenguka okugenda e Madiina. Ekitabo kiteekeddwateekeddwa mu ngeri ey’ebyagwawo buli mwaka okuva ku mwaka gwasooka okutuuka ku gw’ekkumi n’esatu. Mulimu okwanukula ebintu abalabe b’Obusiraamu bye batera okuyitamu okwagala okubuzaabuza abalala mu byafaayo bya Nnabbi. Ekitabo kiyamba omuntu okwagala Nnabbi ekiyinza okumuviirako okumukoppa embeera ze n’empisa ze ennungi.

Obusiraamu, ng’eddiini endala, bukkiririza mu kubeerayo kw’Omutonzi, n’ababaka abaalanga eddiini. Ekitabo kino kirambulula enzikiriza y’Obusiraamu ng’eddiini eyakomererayo. Era omuwandiisi yakyawulamu ebitundu bina: Ekitundu ekisooka kyogera ku bintu ebikulu ebyawula Obusiraamu. Ekitundu eky’okubiri kyogera ku nzikiriza, okusinza okw’emikolo n’amateeka agafuga ensonga z’ebyensi (Mu’amaalaat). Ekitundu eky’okusatu kyogera ku Kulaane ey’ekitiibwa, n’ekitundu eky’okuna kyogera ku Mubaka Muhammadi Omulondemu.

Ekitabo kirimu embeera n’ebitendo bya Nnabbi nga muto, mu biseera by’obuvubuka ne bwe yali ng’amaze okufuuka Nnabbi; okumuteekateeka n’okumutuma, wamu n’ebyamagero bye. Ebizibu ebyamutuusibwako awamu n’abagoberezi be; okusenguka kw’Abasiraamu okugenda mu Abyssinia, okusisinkana ab’ebika eby’enjawulo, ensisinkano ne Bannamadiina mu Aqaba, olukwe olwakolebwa okumutemula, n’okusenguka okugenda e Madiina. Ekitabo kiteekeddwateekeddwa mu ngeri ey’ebyagwawo buli mwaka okuva ku mwaka gwasooka okutuuka ku gw’ekkumi n’esatu. Mulimu okwanukula ebintu abalabe b’Obusiraamu bye batera okuyitamu okwagala okubuzaabuza abalala mu byafaayo bya Nnabbi. Ekitabo kiyamba omuntu okwagala Nnabbi ekiyinza okumuviirako okumukoppa embeera ze n’empisa ze ennungi.

Amaka gayamba mu kukola ku byetaago by’abantu era gwe musingi ogw’okutumbuka kwabwe mu by’omwoyo. Ekitabo kiraga ebintu ebirina okukolebwa okutandika amaka agatuusa eri omukwano omutukuvu; emisingi egirina okugobererwa okufuula awaka ennimiro ez’emirembe n’obutebenkevu; na butya bwe bayinza okufuna essanyu eritaggwaawo. Kinnyonnyola ebyetaagisa okuzimba n’okulunngamya amaka era ne kiwa eby’okulabirako ku nsonga ezo, naddala okuva mu bulamu bwa Nnabbi n’Abasiraamu abatutumufu. Kyogera ku bintu abakazi n’abasajja bye beetaaga okussaako omwoyo mu maka, okugunjula abaana n’okubayigiriza, ekifo ky’abakazi mu Busiraamu n’okuyigirizibwa kwabwe, ne kiwa n’eby’okulabirako ebimu ebya ba Ottoman.